ALVARO VIEITO TRIO ACTUA O 29 DE FEBREIRO NO PUB O MUÍÑO DE CERVO

O grupo de jazz,ALVARO VIEITO TRIO, actuará o vindeiro venres 29 de Febreiro no Pub O Muíño de Cervo. Esta actuación está incluída dentro da programación de MÚSICA EN VIVO organizada polo IGAEM en colaboración con Clubtura. asociación de salas de música de Galicia.

O grupo está composto por Alvaro Vieito (guitarra), Diego Pérez (Contrabaixo) e Hilario Rodeiro(batería). Tocaron en numerosas formacións de jazz e noutras modalidades.

O seu repertorio evolucionou dende os arranxos orixinais de jazz e bossa nova ata unha máis amplia variedade de estilos e aposta pola mistura do tradicional e o moderno coa aportación de temas orixinais de Alvaro Vieito.

Teñen actuacións nas salas máis importantes de Galicia destacando as súas actuacións no PUB DADO - DADÁ en Santiago , local pioneiro nas actuacións de jazz a nivel galego.

ACTUACIÓN DE ALVARO MURAS O 8 DE FEBREIRO

O venres 8 de Febreiro a partires das 24 horas actuará o grupo ALVARO MURAS no Pub O Muíño de Cervo.

Este músico nacido en Montevideo, foi crecendo no barrio de Monte Alto (Coruña). Pasou por diversos grupos locais de diferentes estilos (rock, flamenco-pop, jazz-fusion)

A súa intención é facer sonar o seu baixo eléctrico. Os seus temas sonsentimentos para oir e para ver e intenta ofrecer algo distinto apostando pola orixinalidade con un estilo definido por Funk-fusión.

Os directos van dirixidos ó público que lle gusta ver cousas diferentes e que entende a dificulotade de tocar o baixo eléctrico.